Папата Франциск: 2021 ќе биде година на семејството!
2021 година ќе биде годината на семејството, порача папата Франциск, пренесуваат светските медиуми. Тој посочи дека годината на семејството ќе започне на 19 март, кога е петгодишнина од неговото послание „Радоста од љубовта“.
Контроверзниот документ од 2016 година им овозможува на разведените и повторно венчаните верници да се причестат, што предизвика критики, па дури и обвинувања за ерес од страна на конзервативните католици.
Франциск го подготви документот откако обедини бискупи од целиот свет да разговараат за тоа како Католичката црква може подобро да пристапи кон семејниот живот на верниците. Додека разводот и вториот брак беа главното прашање што привлече внимание, дискусиите се осврнаа и на теми како истополови и други нетрадиционални семејства.
Франциск ја прогласи годината на семејството во денешната неделна беседа што ја одржа од неговото светилиште, за да ги спречи луѓето да се собираат на плоштадот Свети Петар, како дел од мерките на Ватикан за борба против пандемијата.
Toj им даде пријателски совет на семејствата каде што се чести кавгите и ги потсети секогаш после расправија да кажат „прости ми, благодарам и извини” и никогаш да не одат на спиење без помирување.
– Студената војна еден ден по кавга е опасна, заклучи папата.