Папата Франциск изјави дека Обединетите нации немаат моќ за да стават крај на војната во Украина.

Во интервју на шпански за аргентинската национална новинска агенција Телам, Франциск рече дека уставот на ОН „не ѝ дава на организацијата таква моќ“.

Папата рече дека иако ОН може да помогнат да се спречат војните, тие „немаат моќ да го наметнат својот авторитет“ над војната во Украина и другите конфликти низ светот.

Тој, исто така, повика на „храброст и креативност“ од меѓународните институции, велејќи дека и двете се потребни за да се помогне во решавањето на многу сериозни конфликти.