„Пантерот“ од Металург со трансфер во Бундеслигата
Станува збор за голманот Мартин Томовски (21) кој до сега ги бранеше боите на Металург.
Томовски кој станува збор за голема ракометна голманска надеж во нашата земја, прави трансфер во екипата на Лудвигсхафен.
Ова го потврди и хрватскиот ракометар на клубот, голманот Матеј Ашанин.
Eulen verpflichten Torhüter Martin Tomovski https://t.co/FXca0A3zAC
— handball-world.news (@handballwelt) June 3, 2019
– Успеа клубот да се извлече и обезбедивме опстанок. Првите луѓе веќе го кројат составот за наредната сезона. За мене веќе пронајдоа замена и доаѓа Македонецот Томовски. Многу сум задоволен, имав тешка повреда, но се вратив на терените – вели Ашанин.
Чуварот на мрежата беше дел од поширокиот список на Брестовац за квалификациските дуели против Турција и Грција.
Од наредната сезона во најсилното германско првенство ќе игра и Жарко Пешевски во Штутгарт.
Филип Талески веќе ги брани боите на Рајн Некар Левен, Филип Миркуловски е во Вецлар, а Филип Кузмановски од Еурофарм Работник се сели во Магдебург.