Денис Џорџ, државната обвинителка за американските Девствени Острови, побарала имиња на патниците и контакт информации за секој лет што го извршиле четирите хеликоптери и трите авиони на осудениот педофил Џефри Епстин во периодот од 1998 до 2019 година.

Податоци од летовите на авионите и имињата на луѓето кои летале со нив, вклучително и „Лолита експрес“, ќе бидат изнесени пред судот.

Обвинителката Џорџ поднесе тужба, повикувајќи се на 22 точки, вклучително и трговија со луѓе, тешко силување, злоупотреба на деца, занемарување, присилна работа и проституција, пишува „Дејли мејл“.

Џорџ, исто така, бара да види какви било „поплаки или извештаи за потенцијално сомнително однесување“, како и личните белешки на пилотот. Се бараат и имиња и детали за сите кои работеле со пилотите, комуницирале со Епстин и патниците кои патувале со него.

Извор за „Мирор“ рекол дека ова судско барање предизвикало „паника кај многу богати и познати“, бидејќи во досегашната евиденција не се опфатени летовите на главниот пилот на Епстин, кој повеќе од 25 години летал за милијардерот.

За бившата манекенка Наџа Марчинкова, која сега води сопствена авиокомпанија се проширија гласини дека била еден од „регрутерите“ на Епстин. 34-годишната Марчинкова наводно е една од четирите жени која е под истрага поради нивните наводни улоги во „ланецот“ на Џефри Епстајн.

Пред неколку месеци беше уапсена Гислејн Максвел, поранешната партнерка на милијардерот и осудуван педофил Џефри Епстин. Максвел е осомничена дека подведувала девојки и ги тренирала за сексуални односи со богаташите, а на списокот на нејзините и клиентите на Епстин, како што се претпоставува, има голем број познати имиња.

Кој сè е запишан во „црната книга“ на Епстин?

Пред извесно време низ странските медиуми се прошири „црната листа“ на луѓе кои биле во контакт со Епстин.

На самиот врв на листата, според пишувањата на Њујор пост се наоѓаат принцот Ендрју, Бил Клинтон и Алан Дершовиц. Сите тие се дружеле со Епстин.

Милијардерот Глен Давин исто така е еден од нив. Познат е како директор на успешен фонд, како и неговата сопруга, докторката Ева Андерсон Давин, основач на Институт за борба против ракот. Имаат три деца и живеат луксузен живот со приватни готвачи, авиони и куќи во Палм Бич и во Шведска. Меѓутоа, Дабинови се поврзани и со Епстин и со Максвел.

Ева Андерсон била во врска со Епстин неколку години пред да се омажи за Дабин во 1994 година и застанала во негова опдбрана по обвиненијата против него во 2008 година, велејќи дека е „апсолутно сигурна кога Епстин е покрај нејзините деца“, кои во тоа време биле малолетни.

Брачниот пар ги отфрлил обвиненијата на Вирџинија Жуфра, која тврдела дека во 2016 година Максвел ја испратила кај Дабинови, по „тренингот со неа“.

На списокот е и убавата грофица Клер Хазел, која наводно истражителите сакаат да ја сослушаат по апсењето на Максвел.

Клер Хазел некогаш била студентка на Универзитетот во Охајо, а се сомневало дека школарината и ја платил токму Епстин. Се омажила во 2001 година за Едвард Гинис од познатото семејство кое води фабрика за пиво.

Хазел би можела да биде интересна за истражителите бидејќи работела за Епстин во 90-те години и летала со неговиот авион најмалку 32 пати во периодот меѓу 1998 и 2000 година, па би можела да биде сведок за врската со другите богаташи.

И политичарот Ехуд Барак (77), бивш премиер на Израел, исто така неколкупати е доведуван во врска со Епстин.

Барак се нашол на мета на сегашниот премиер Бенјамин Нетанјаху, кој објавил текстови и фотографии од Барак како ја напушта куќата на Епстин во 2016 година. Во една прилика рекол дека „го сретнал Епстин повеќе од 10 пати, ама помалку од 100 пати.

„Не можам точно да кажам. Во текот на годините сум го видел повремено“, рекол.

Признал дека го посетил Ептсин во две негови куќи во Њујорк и дека еднаш го посетил и озлогласениот остров на Карибите, иако ги отфрлил обвиненијата дека учествувал во „секс журки“.

Бившиот гувернер на Њу Мексико Бил Ричардсон (72) и бившиот американски сенатор Џорџ Мичел (86) веројатно никогаш не замислувале дека ќе бидат дел од секс скандал. И двајцата се обидуваат на сите начини да се дистанцираат од врската со Епстин, посебно по апсењето на Максвел.

Останува да видиме чии имиња „ќе испливаат“ од „црната книга“ на Епстин.