Паника во Белгија поради брзото ширење на индиската мутација на ковид-19
Од штабот за вакцинација на Белгија денеска предупредија дека индискиот сој на Ковид-19 се шири брзо и го повикаа населението да продолжи масовно да се вакцинира, јави дописничката на МИА од Брисел.
За портпаролката на штабот е важно секое лице од 16 години натаму да прифати да биде вакцинирано.
– Брзото пристигнување на индискиот сој, познат и како делта сој, ја менува сликата и нѐ тера да бидеме брзи. Двете дози Фајзер, Модерна и Астра Зенека, со слична ефикасност, се апсолутно неопходни за да си обезбедите доволна заштита против овој сој кој е позаразен и поагресивен, изјави портпаролката на штабот, Сабин Стордер.
Според неа, треба да се надмине зацртаниот праг од 70 отсто вакцинирано население за да се постигне солиден колективен имунитет.
Белгија задоволително напредува со вакцинацијата, а населението е сѐ понаклонето кон примање на вакцината.
Највисока стапка на вакцинација имаат лицата на возраст меѓу 55 и 64 години, со 80 отсто.