Капитенот на македонската репрезентација Горан Пандев е најзаслужен за победата на Џенова од 2:1 против Наполи постигнувајќи ги двата гола за својот тим.

Со двата постигнати гола, Пандев стана најефикасниот фудбалер од поранешната СФР Југославија во Серија А доаѓајќи до бројката од 97 гола во Калчото.

Очекувано, Пандев беше главна вест во италијанските спортски медиуми, а каптенот на „црвено-жолтите“ изјави дека по настапот на Европското првенство, ќе ја донесе конечната одлука околу неговото пензионирање.

– Пензија? Имав тежок период да се рехабилитирам од последната повреда, но сѐ уште се забавувам и добро сум. Ќе видиме. Моето размислување е да се пензионирам после Европското првенство, но сѐ уште ништо не се знае – изјави Пандев кој исто така изјави дека се надева дека ќе дојде до бројката од 100 постигнати голови во Серија А.

Горан Пандев во Серија А највеќе гола даде во дресот на Лацио (48), по што се пресели во Интер за кого постигна пет гола, но беше дел од најуспешната година во историјата на тимот кој во 2010 година ја освои тројната круна. Потоа во дресот на Наполи постигна 19 гола и сега како играч на Џенова даде 24 голови.

ВИДЕО: „Гранде“ Пандев со два гола го урна Наполи и запиша нов рекорд!