Интер до трите бода и втората позиција на табелата дојде благодарение на двата гола на Ромелу Лукаку и на Алексис Санчез. Лукаку ја отвори и ја затвори серијата на Интер со головите во 34. односно 93. минута, додека Санчез погоди во 83. минута.

Капитенот на македонската репрезентација Горан Пандев доби шанса да настапи против својот поранешен тим во финишот, одигра 20-тина минути, но немаше забележлив учинок на теренот.
Интер со победата се искачи на второто место со 76. бода, еден повеќе од Аталанта, а четири помалку од лидерот Јувентус кој има и натпревар помалку.

Македонецот со шведски пасош, Дејан Кулушевски, беше најзаслужен за победата од 2:1 на неговата Парма на гостувањето кај Бреша. Кулушевски прво во 59. минута му асистираше на Дармијан за водство на „млекарите“, а во 81. минута со прекрасен шут донесе победа за својот тим.