Пандев: Лотито ми праќаше навивачи да ми се закануваат
Капитенот на македонската репрезентација, Горан Пандев, во разговорот во живо на Инстаграм со Илија Несторовски проговори за периодот додека беше член на Лацио.
Пандев не сакаше да потпише нов договор и беше решен да замине во Интер, поради последните месеци како член на Лацио му беа вистински кошмар.
– Мислам дека најдобрите партии ги прикажав во дресот на Лацио, но бев платен според младинскиот договор кој го имав со Интер. Сите добиваа зголемувања, а мене ме прескокнуваа. Решив да си заминам, а тие дури тогаш почнаа да се интересираат за мене. Кога видоа дека немам намера да потпишам нов договор, почнаа проблемите. Кога целиот тим отиде во Пекинг, јас останав во Рим да тренирам на 40 степени, а Лотито постојано ми праќаше навивачи да ми се закануваат. Но, издржав и си заминав – изјави Пандев.