Македонските репрезентативци Горан Пандев и Елиф Елмас, се уште не ги добиле платите за февруари. Екипите на Џенова и Наполи заедно со Торино и Сампдорија се четирите екипи од Серија А кои не им исплатиле плати на своите фудбалери.

Серија А е суспендирана поради пандемијата на коронавирусот, а неизвесна е и завршницата на првенството поради што екипите ќе загубат десетици милиони евра од влезници, од ТВ правата и продажба на сувенири.

Поради тоа дел од екипите, како Јувентус се договорија со своите фудбалери за намалување на платите, а „старата дама“ процени дека ќе заштеди 90 милиони евра во следните четири месеци од намалувањето.

Не е исклучена можноста и Џенова, Сампдорија, Торино и Наполи да го следат примерот на Јувентус и да исплатат помал износ на пари за да можат да заштедат за месеците што доаѓаат.

Сепак, во таборот на Наполи, фудбалерите меѓу е и македонскиот дијамант,се гневни на претседателот Аурелио де Лаурентис бидејќи во февруари редовно се играше фудбал и сметаат дека тој е должен да им ги исплати платите.

Тие веќе поднесоа жалба во здружението на професионални фудбалери во Италија барајќи да се интервенира и во Итлаијанската фудбалска федерацијаж за да им биде исплатена платата.