Пандев и Џенова се спасија од пораз во Болоња
Екипата на Џенова за која настпаува и Горан Пандев, успеа два пати да се врати од негатива против Болоња и на крајот да остане непоразена играјќи 2:2 во рамки на петтото коло во Серија А.
Голот вреден реми, Џенова го постигна во 89 минута преку Кришито пенал.
Првото полувреме не беше премногу возбудливо како што беше случај со второто кога беа постигнати четири гола.
Болоња поведе во 49 минута со голот на Арон Хики, но радоста на домашниот траеше само шест минути кога Матија Дестро го израмни резултатот.
Потоа домашните фудбалери ја презедоа контролата над играта, но вториот гол го постигнаа дури во 85 минута кога Марко Арнаутовиќ погоди од пенал за 2:1.
Но, четири минути подоцна и Џенова доби пенал кој го реализира Доменико Кришито.
Со одлуката на судијата да досуди пенал за Џенова не се согласи тренерот на домашниот тим, Синиша Михајловиќ кој доби црвен картон, а неговите играчи во судиското продолжение пропуштија две одлични шанси за постигнување гол.
Горан Пандев не беше дел од првиот тим на Џенова туку влезе во игра во 68 минута на местот на Хермани.