Пандев: ФФМ стана приватна фудбалска федерација, ја игнорираат мојата вредност
Горан Пандев кој остави голема трага на клупски и репрезентативен план неодамна одлучи да ја заврши кариерата како професионален фудбалер.
Нашиот поранешен репрезентативец во изјава за „Студио 10“ на ТВ 24 кажа дека е игнориран од првите луѓе на македонскиот фудбал и дека не го добива потребното внимание од Фудбалската федерација на Македонија (ФФМ).
– Луѓето ја препознаваат мојата вредност, иако има и такви кои ја игнорираат. Се надевам дека добро ја претставував Македонија и на сите им благодарам што ме поддржуваа. ФФМ стана приватна фудбалска федерација и мислам дека ако нешто набргу не се промени, не само што нема да напредуваме како репрезентација, туку и ќе назадуваме – изјави Пандев.
Поранешниот фудбалски напаѓач вели дека потребни се луѓе кои сакаат да успеат во спортот.
– Јас не сакам да се мешам во политички работи, а кај нас во Македонија во сè има политика. Веројатно затоа играчите и заминуваат. Но, таа атмосфера ја создава ФФМ. Сите го знаат тоа, но никој не сака да излезе и јавно да го каже тоа. Потребни ни се луѓе кои сакаат да успеат во спортот – вели Пандев.
ВИДЕО: Пандев од Милано најавува голем проект за доброто на македонскиот фудбал
