Македонската А репрезентација веќе трет ден е во Букурешт каде што ќе ги игра првите два натпревари на Европското првенство.

Горан Пандев во интервјуто за „Goal.com“ изјави дека целта на Македонија на континенталниот собир ќе биде да ја помине групата и се најде во осминафиналето.

Противници на нашата А репрезентација во групата „Ц“ се селекциите на Австрија, Украина и Холандија. Први ривали ни се Австријците в недела (13 јуни) во Букурешт од 18.00 часот.

– Тие се три многу силни репрезентации, ќе ја имаат фаворитската улога на дуелите против нас. Холандија е фаворит во групата, ги знаеме нашите квалитети, против Австрија веќе игравме во квалификациите за ЕП и немаме добро искуство. Бевме двапати совладани од нив, но сега ја имаме можноста да се одмаздиме.

Украина е многу добра репрезентација, организирана, има млади играчи, но кои знаат што треба да прават на теренот. Нашите амбиции се да ја поминеме групата, знаеме дека нема да биде лесно, но свесни сме за нашата сила и ќе се обидеме тоа да го направиме. Се надевам на добри настапи и триумфираме на неколку натпревари – вели Пандев.

Воедно играчоте на Џенова вели дека најголеми фаворити за титулата на ова Европско се Франција, Белгија, Португалија, Германија и Италија.

Димитриевски: Не дојдовме на ЕП за да собираме искуство, најважно е да не загубиме од Австрија на стартот 

Започнува ЕВРО 2020: Турција и Италија го отвораат шампионатот на „Олимпико“ во Рим!