7 C
Скопје

Пандемијата сѐ уште не стивнува, надежта за вакцините последна умира

На вчерашен ден, со комбе од Италија, во Македонија допатува жената што официјално се смета за прв регистриран случај на коронавирусот во земјава. Таа беше на возраст од педесет години и одреден период престојувала во Италија, а од граничниот премин Табановце беше веднаш пренесена на Клиниката за инфективни болести и фебрилни состојби во Скопје. Иако со неа во комбето беа уште 12 лица, ниту еден од нив не заболе.

Вкупно 365 дена подоцна, билансот на заболени во земјава е 101. 214 лица. Во листата на починати се запишани 3.111 граѓани, а битката со коронавирусот ја добија повеќе од 90.600 лица.

Годината ја карактеризираа вонредни мерки, карантин во хотели при влез во земјава, забрани за патување и напуштање на домот, промена на работната динамика и начинот на работа во компаниите, како и постојани апели за носење маска, држење растојание и негрупирање.

Прочитајте и...  Славчо најавува променливо облачно време со повремен дожд и грмежи – на планините можен снег

Полицијата имаше полни раце работа поради различни проблеми што ги донесе пандемијата со себе, меѓу кои непочитувањето на мерките за лична заштита, групирањата во угостителските објекти, па сѐ до лажни ПЦР-тестови, со кои наши граѓани се обидуваа да ја напуштат земјата за да влезат во Бугарија на граничниот премин Деве Баир.

Висока температура, кашлица, изнемоштеност и отежнато дишење се највообичаените симптоми на коронавирусот, додека посериозната клиничка слика ги зафаќа сите органи во телото, предизвикува цитокинска бура во белите дробови и проблеми со сатурацијата во крвта, кои доведуваат и до подолгорочни последици.

Корона-кризата претставуваше најсериозен предизвик со кој некогаш се соочил македонскиот здравствен систем. Цела 2020 година беше трка да се обезбедат доволно медицински ресурси, доволно медицински кадар и навремено да се третираат пациентите.

Прочитајте и...  Ковачевски: Роковите продолжени за граѓаните и фирмите реално да можат да ги искористат мерките

Како се дознаваше повеќе за вирусот, така се менуваа и протоколите за тоа колку време треба да се изолираат граѓаните позитивни на вирусот.

Во изминатата година во Македонија се регистрирани 30 соеви на коронавирусот, а главна опасност во моментов претставува британскиот сој, за кој се знае дека се шири за 70 проценти побрзо.

Граѓаните сѐ уште чекаат во земјава да пристигнат вакцините против ковид-19, со кои ќе започне масовната вакцинација и кои претставуваат надеж дека ќе се врати нормалниот живот. Засега се вакцинираат само медицинските работници, кои се во првите редови во борбата против коронавирусот

 

Поврзани вести

Фаучи: Сите вакцини против ковид-19 одобрени во САД се безбедни

Слободен печат

Искра Михајловска: Архитектите се должни да помогнат да се избегнат итарпејовските манипулации при градењето и заштитата на објектите

Александра Бубевска

Индија со рекорден број на новозаразени, Мумбај се подготвува за целосно затворање

Слободен печат

Германски експерт предупредува: Полицискиот час е контрапродуктивен

Слободен печат

Ирската комисија почна истрага против Фејсбук откако беа објавени личните податоци на корисници

Слободен печат

Филипче до медицинските лица: Благодарност до сите заслужни за професионалноста, одговорноста и енергијата

Слободен печат

Остави Коментар