Пушачите треба да ја сфатат пандемијата на коронавирусите како најсериозно предупредување за да се откажат од оваа лоша навика, велат здравствените експерти.

Истражувањата покажуваат дека пушачите имаат поголема веројатност да развијат потешки симптоми на болеста, отколку непушачите.

Пушењето ги оштетува трепките, односно ситните влакна налик на четка што ја покриваат површината на белите дробови и кои постојано се движат ритмички.

„Тие се ситем за чистење на белодробниот отпад“, вели пулмологот и интернист Стефан Андреас, член на Германската фондација за бели дробови.

„Трепките ја туркаат слузта и бактерискиот талог нагоре за можете да се искашлате“, вели Андреас.

Ова е многу важна функција ако коронавирусот ги нападне вашите бели дробови. Добрата вест е дека трепките релативно брзо се опоравуваат по престанокот на пушењето цигари.

„Откажувањето од пушење го намалува ризикот од тешки симптоми предизвикани од ковид-19. Не во истата секунда, туку со секој нареден ден“, посочува пулмологот.

Истиот совет го дава и Светската здравствена организација посочувајќи дека пушачите имаат поголема веројатност да се заразат со коронавирусот затоа што постојано ги приближуваат рацете до устата.