Панчо од ДНК вели дека ја научил лекцијата од коронавирусот: Да помогнеме на секого, а да не очекуваме ништо за возврат!
Пандемијата на коронавирусот го промени животот на целата наша планета и поради тоа повеќето од нас сме веќе со недели или месеци затворени во своите домови и ги слушаме препораките на здраствените власти.
Факт е дека никој од нас не е навикнат со недели да седи во карантин, но кога се работи за нашето здравје и здравјето на нашите најблиски, тогаш немаме избор.
Нашите познати личности во земјата постојано преку нивните социјални мрежи повикуваат да останеме дома и да ги почитуваме препораките.
„Слободен печат“ разговараше со познатиот Панчо од ДНК за тоа како го поминува времето во изолација.
С.П. Како ги поминуваш деновите во изолација и што најчесто правиш?
– Претпоставувам како и сите останати луѓе ширум светот, пред се пробувам да останам присебен во целата ситуација, пота физички да сум активен и да вежбам минимум четири пати во неделата, внимавам на исхраната и ги средувам сите оние работи кои не сум имал време во секојдневниот “хаос”. Ги читам сите оние заостанати книги кои сум ги купил, а не сум имал време да ги прочитам, го средувам лаптопот и фолдерите со музика и што е најбитно многу повеќе време проаѓам со двата сина Андреја и Марјан со когочесто играме „Playstation“. За нашите фанови што е најбитно како ДНК работиме на новото видео за најновата песна “ЈАВИ МИ”, која би требало да биде готов негде кон крај на Април. Ќе бидете доста интересно видео и мислам дека ќе биде вистинско изненадување за сите наши фанови, а и оние љубопитните луѓе. Повеќе неќам да откривам, а и не смеам.
С.П. Што ти недостига највеќе од секојдневието кое го имавме пред коронавирусот?
– Дружењењто, настапите, состаноците и динамиката на мојот начин на живеење. Иако морам да признаам дека долго време не сум се чуствувал вака одморен и со чисти мисли. Се е со причина и треба да сме многу свесни и дисциплинирани за сето ова побрзо да заврши.
С.П. Каква поука треба да извлечеме после се ова?
– Па, тоа дека ние луѓето сме толку мали и кршливи во споредба со природата и дека живото е многу кревок и кршлив. Денес сме тука утре веќе не. Имаме доста време да размислуваме и тргаме сите токсични луѓе што не влечеле надоле, да сфатиме каде сме грешеле и да ги подобриме сите работи кои сме ги правеле без логика. Дефинитивно мора да работиме на егото и да размислуваме за тоа дека ништо не е трка во животот, а и тоа дека е многу нормално некогаш да си горе а некогаш доле. Најбитно од се е да оваа ситуација не направи подобри и послични луѓе. Да помагаме на секого од срце и да не очекуваме ништо за возврат, така впрочем и нема да се осетиме повредени.
С.П. Што ќе направиш првиот ден кога ќе ни кажат дека може да се вратиме на секојдневниот живот?
– Па, искрено ќе се видам со сите оние блиски луѓе кои не сум можел да ги видам физички, друго генерално не ми е потребно. Сепак, да не се лажеме се ни е на тацна освен скратеното време и слобода која е најважна за сите нас.
С.П. Кој филм го препорачуваш на твоите пријатели, обожаватели, колеги да го погледнат овие денови?
– Филмови не гледам баш иако на „Арена спорт“ го даваа Роки секој ден од прв до шести дел и некако со толку љубов го гледав што го чекав секој ден како порано што сите го чекавме Беверли Хилс. Инаку би им препорачал серии од типот на : „Young Sheldon“ комедија , „OZARK“ одличен трилер или пак „Money Heist“ исто така трилер.
„Young Sheldon“
„OZARK“
„Money Heist“
С.П. Каква музика слушаш периодов?
– Онаа што ја свирам по клубови како диџеј, а исто така слушам пар нови албуми кои излегоа сега: (The Weekend, Tory Lanez, Childish Gambino) кои исто така се тесно поврзани со мојата професија. Пишувам текстви за ДНК и разговарам со нашиот продуцент и трет член Лазар за идните песни, проекти и правци во кои сакаме да се движи новиот албум.
С.П. Омилена храна која ја приготвуваш откако си дома?
– Искрен да бидам ги постам Велигденските пости така да имам ограничени продукти за јадење и супер ми е. Не трошам премногу енергија и многу лесно го издржувам постот. Има уште некој 12 дена до завршување, ама навикнат сум јас така да не ми преставува проблем. А не сум некој готвач да не се лажеме, не дека не знам туку дека неќам, едноставно не ме влече и фер е да го споделам тоа со вас кога веќе ме прашавте. Па, нормално е дека не може да сме перфектни и добри во се нели? (се смее).
С.П. И за крај што би препорачал/а на нашите читатели?
– Ќе звучам клише ама ќе им кажам да бидат дисциплинирани пред се кон самите нив, да седат дома и да бидат кул. Нема простор за паника и како што почна така и ќе заврши сето ова, но за тоа е потребна голема самосвест и што е најбитно ДИСЦИПЛИНА. Да се чуваат и пазат, па да се гледаме на журки и да се веселиме кога сето ова ќе заврши.