Владата донесе одлука со која се забрануваат настапите на музичарите, пејачите и диџеите во сите кафулиња, дискотеки и концертни сали во нашата земја, поради зголемниот број на новозаразени од Ковид 19. Одлуката доаѓа по бурниот викенд, односно несовесното однесување на соптсвениците на локалите и посетителите кои ги прекршија сите протоколи во неколку локали.

Еден од најгласните музичари досега беше познатиот Панчо од ДНК. Тој како и многу негови колеги, повикаа на мирен протест во среда пред Владата, против ваквата одлука. Неговиот револт го изрази и преку социјалните мрежи.

– На стартот на пандемијата бев еден од најгласните кои апелираа да се почитуваат мерките ( и сеуште сум ). Со нашиот бенд DNK бевме први кои од сопствен џеб плативме и направивеме live stream концерт на социалните платформи под мотото #СедиДомаБидиКул уште пред да се воведе целосниот карантин се со цел да влијаеме и помогнеме во целата ситуација , еднаш не се побунивме иако 90% од артистите бевме без неколку месечно примање, но со овој ноншалантен однос и очигледно незнаење на владата во кој правец тера мислам дека време е сите ние музичари, артисти, уметници да дигнеме глас на УЛИЦА, да си ги бараме нашите права и да им дадеме дознаење дека ние не сме криви за грешките на неколкуте локали и организатори на настани кој видливо се толерирани од не знам кои причини ( јавна тајана е се знаеме да не се секирате ). Истите тие работеле заради ваша катастрофална реакција и непрофесионалниот однос и реакција #реално. Но како што кажав и претходно најлесно е да се удри по Македонските артисти кои ги множите со НУЛА. Ова нема така лесно да ви пројде, тоа ви ГАРАНТИРАМ!!! Срам и арам да ви е на сите ваши неосновани одлуки и тоа пто не ставате сите во ист кош. Секоја ви чест., напиша Панчо.

Пеце-Суперхикс: Колегите веќе немаат за леб, а носат протоколи без да се консултираат со нас!