Во вторникот, Памела Андерсон засекогаш се прости од социјалните мрежи со својот последен пост на својот инстаграм – профил. Sвездата од популарната ТВ серија „Чувари на плажата“ одлучи дека повеќе нема да користи „Фејсбук“, „Инстаграм“ и „Твитер“, а објасни и зошто.

„Тие сакаат секој да го контролира нашиот мозок. Никогаш не ме интересирале социјалните мрежи и сега конечно се чувствувам слободена, се одлучив за живот инспириран од читањето книги и од природата.

Ви благодарам за љубовта. Испраќам благослови на сите. Се надевам дека ќе најдете сила и инспирација и ќе ја следите целта, не дозволувајте изгубеното време да ве заведе. Тие го сакаат тоа и го користат за да заработат пари на вас. Преземете ја контролата врз вашиот мозок “, напиша 53-годишната актерка на Инстаграм, каде ја следат 1,2 милиони луѓе.

Дали Памела ќе го исполни ветувањето и навистина ќе се држи настрана од социјалните мрежи, времето ќе покаже.

Памела Андерсон е веган 30 години и се залага за правата на животните, а неодамна, како гостинка во ТВ-емисијата „Добро утро Британија“, која ја води познатиот Пирс Морган, рече дека верува дека луѓето кои не јадат месо се многу подобри во кревет.