Палестинците не очекуваат промена на политиката од новата израелска Влада

epa09237397 Supporters of the Islamic political party Jamaat-e-Islami shout slogans and carry placards during a protest against Israel in solidarity with the Palestinian people, in Peshawar, Pakistan, 30 May 2021. Clashes erupted 06 May in Jerusalem and the West Bank over the forced eviction of six Palestinian families from their homes in Sheikh Jarrah neighborhood in favor of Jewish families who claimed they used to live in the houses before fleeing in the 1948 war that led to the creation of Israel. In response, various Palestinian militant factions in Gaza launched rocket attacks starting 10 May that killed at least 12 Israelis. The Palestinian health ministry said that at least 232 Palestinians, including 61 children, were killed in the retaliatory Israeli airstrikes. On 21 May and after 11 days of fighting, a ceasefire came into effect between Israel and militants in Gaza strip. EPA-EFE/BILAWAL ARBAB

Палестинците од окупираната Газа и Западниот брег денеска во голема мера ја исклучуваат можноста дека ќе почувствуваат било каква промена во израелското владеење, изјавувајќи дека крајнодесничарскиот лидер Нафтали Бенет, кој треба да го замени долгогодишниот премиер Бенјамин Нетанјаху, веројатно ќе ја води истата политика кон арапското малцинство

Бенет, поранешен функционер на главната организација за еврејско населување на Западниот брег, ќе биде новиот премиер на Израел во првите две години од владеењето на новата владина коалиција, што беше договорена во средата пред полноќ, а во која е вклучена и арапската партија Раам.

– Нема разлика меѓу израелските лидери, вели Ахмед Резик, 29-годишен службеник во јавниот сектор во Газа.

„Тие се добри или лоши за нивната нација. А што се однесува до нас, сите тие се лоши, тие одбиваат да им ги дадат на Палестинците нивните права и земја”, смета Резак.

Басем Ал-Салхи, претставник на Палестинската ослободителна организација (ПЛО), изјави дека Бенет не е помалку екстремен од Нетанјаху.

Хамас, исламистичка група што ја контролира Газа, соопшти дека нема да се промени ништо со новата влада.

– Палестинците низ историјата биле под десетици израелски влади, десни, левичарски, центристички, како што ги нарекуваат. Но, сите тие биле непријателски расположени кога станува збор за правата на нашиот палестински народ и сите имале експанзионистичка политика, изјави портпаролот на ова движење, Хазем Касем.

За првпат во историјата кон некоја израелска владеачка коалиција се приклучи арапска партија избрана од арапско население, што сочинува 21 процент од Израел.

Лидерот на партијата Мансур Абас кажа дека договорот за коалиција вклучува одвојување на над 16 милијарди долари за подобрување на инфраструктурата и борба против криминалот во градовите со мнозинско арапско население.

Но, Абас е критикуван и во Газа и на Западниот брег затоа што „застана на страната на непријателот”.

– Тој е предавник. Што ќе стори кога ќе го замолат да гласа за нова војна во Газа, прашува 21-годишниот Бадри Карам, жител на оваа енклава.

„Дали тоа ќе го прифати и ќе биде дел од убивањето Палестинци”, додаде тој.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот