Палестинците пуштаат запаливи балони, Израелците одговорија со бомбардирање

Фото: Архива

Израелски воени авиони бомбардираа локации на Хамас во Појасот Газа како одговор на запаливите балони кои биле пуштени од палестинската територија, соопшти израелската војска.

Засега нема извештаи за евентуални жртви и причинета штета од нападите насочени кон подрачјето за лансирање ракети и комплексот кој му припаѓа на Хамас. Засега движењето Хамас се уште не се огласило.

Од прекинот на огнот на 21 мај и завршувањето на 11-дневните борби меѓу Израел и Хамас, Палестинците повремено пуштаат балони исполнети со запалив материјал преку границата, предизвикувајќи пожари во израелските полиња.

Палестинците велат дека сакаат со запаливите балони да извршат притисок врз Израел да ги ублажи санкциите кон Појасот Газа, кои беа заострени за време на борбите во мај. Пуштањето на балоните главно се намали откако Израел ги ублажи некои ограничувања кон Газа.

Но, балоните вчера беа повторно пуштени од Газа и предизвикаа најмалку четири пожари во областите во близина на границата. Израелската војска соопшти дека воздушните напади се одговор на постојаните испраќања на балони од Газа кон Израел во текот на денот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот