Пакетот за опоравување на ЕУ треба да содржи повеќе грантови, а не заеми
Лидерите на ЕУ се договорија во април да формираат фонд за итна поддршка на економијата за опоравување на 27те земји членки од пандемијата, а за конечните детали од овој фонд се уште не е разговарано.
Пакетот мерки на Европската унија за помош на економијата да се опорави од пандемијата од корона вирусот би требало во поголем дел да се состои од грантови а не од заеми.
Ова за германски „Шпигл“ го изјави Гита Гопинат, главен економист на Меѓународниот монетарен фонд.
– Во спротивно, пакетот мерки нема да генерира економско опоравување, оценува Гопинат во изјава која денеска ја објави германскиот магазин, а ја пренесе „Ројтерс“.
Лидерите на ЕУ се договорија во април да формираат фонд за итна поддршка на економијата за опоравување на 27те земји членки од пандемијата, а за конечните детали од овој фонд се уште не е разговарано.