Пак тој Номе Калју: Шкендија може до плејоф на Лига Европа! – Слободен печат
СпортФудбал

Пак тој Номе Калју: Шкендија може до плејоф на Лига Европа!

Европската куќа на фудбалот ги формираше групите пред ждрепката за 3 коло од квалификациите за Лига Европа, но Шкендија ќе мора првин да го помине Дуделанж.

Шкендија од групата 2 би можела повторно да ги одмери силите против Номе Калју од Естонија од кого беше елиминирана изненадувачки во првото квалификациско коло за Лигата на шампионите.

Потенцијални ривали на македонскиот фудбалски шампион во 3. квалификациско коло за Лига Европа се елиминираните од 2. квалификациско коло во ЛШ: Селтик-Номе Калју, БАТЕ Борисов-Розенборг, Дандалк-Карабах, Марибор-АИК и Ференцварош-Валета.

Принтскрин/UEFA.com

Тука се наоѓа и норвешкиот Розенборг од кого тетовските „црвено-црни“ минатото лето беа исфрлени во плеј-офот на Лига Европа. За унгарскиот Ференцварош настапува нашиот репрезентативец Стефан Спировски, но секако подобра е опцијата Валета од Малта.

Ждрепката за извлекување на паровите од 3. квалификациско коло на Лига Европа е в понеделник (22 јули) со почеток од 12.25 часот во Нион.

Дуелите се закажани за 8 и 15 август 2019, но фудбалерите на Ќатип Османи ќе мора првин да ја скокнат пречката Дуделанж (Луксембург) во рамките од второто квалификациско коло на ЛЕ.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close