Најважните прашања можат да се решат со дијалог, а првиот услов е почитување на договореното. Ја разбираме одлуката на Уставниот суд, но како трета страна која не е потписник на овој договор. Доколку не е поинаку договорено, овој договор мора да се почитува и дијалогот секогаш да се враќа, изјави денеска во Приштина претседателот на Словенија, Борут Пахор, пренесува Нова.рс.

Изјавата на Пахор уследи по обраќањето на косовската претседателка Вјоса Османи, која напомена дека Заедницата на српските општини не е во согласност со Уставот на Косово и дека Србија не имплементирала 2/3 од договорот.

По вчерашната посета на Белград, каде што се сретна со српскиот претседател, словенечкиот претседател денеска е во еднодневна посета на Приштина.

Вјоса Османи: Косово е против „Отворен Балкан“, тоа ѝ служи на Србија за да го шири хегемонизмот