Паѓа бројот на жртвите во Италија, вчера починати 431, нови 4092 заразени
Италијанската влада до 5 мај ги продолжи вонредните мерки воведени пред месец дена поради спречување на коронавирусот.
Во Италија во последниве 24 часа починаа 431 лице, а новозаразени има 4092.
Вчера имаше 619 смртни случаи, а ден претходно 570. Италија по САД е најпогодена земја во светот.
Вкупно во таа земја досега починаа 19.899 лица, а досега се забележани вкупно 156.363 случаи на зараза (вкупно заболени, починати и лица кои оздравеле).
Излечени се 34.211 лица, а 3.343 пациенти се во тешка состојба.
Инаку, италијанската влада до 5 мај ги продолжи вонредните мерки воведени пред месец дена поради спречување на коронавирусот. Таа одлука ја донесоа и покрај падот на бројот на починати и новозаразени во петокот и растот на бројот на опоравените.
Џузепе Конте веќе неколку дена е под двоен притисок.
Лекарите и научниците го повикуваат да не брза со укинување на изолацијата за да не се шири повторно пандемијата откако веќе 10 дена успорува.
Но, од друга страна, деловните кругови и бизнисмените го предупредуваат од големата штета која ја трпи, третата по моќност европска економија која од средината март е на работ на пропаст.