Паф Диди ги плаќа сметките на семејствата погодени од коронавирусот

Instagram
Instagram

Раперот Шон Комбс, попознат како Паф Диди, ја покажа својата хумана страна и им помагаше на луѓето кои беа финансиски погодени од пандемијата на коронавирусот.

Имено, музичкиот магнат се здружи со неговата фондација „Шон Комбс“ за да им помогне на 200 семејства кои живеат во Мајами плаќајќи ги нивните комунални услуги. На тој начин, овие семејства нема да имаат проблеми да ги загубат своите домови, пишува „People“.

Но, тоа не е сè. Имено, Диди реши да помогне со донирање пари на сиромашни луѓе за секојдневни потреби, како што се хигиена и прехранбени производи.

За понатамошна корист на заедницата, Диди соработуваше со „TEES“ – организација која има за цел да ги охрабри младите да водат продуктивен начин на живот, да бидат финансиски стабилни и да не паѓаат под лошото влијание на проблематичните врсници.

Раперот организираше хуманитарна акција во април и собра 3,4 милиони долари, а парите беа пренасочени кон непрофитната хуманитарна организација „Direct Relief“, која донира медицински средства на сиромашното население.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот