Бразилскиот фудбал го потресе голем скандал откако претседателот на федерацијата Рожерио Кабокло е казнет од страна на етичката комисија поради наводно сексуално вознемирување на вработена жена во ЦБФ и засега е суспендиран на еден месец.

Во меѓувреме, во јавноста се појави аудио снимка од разговорот помеѓу Кабокло и девојката, и која доколку се докаже дека е автентична, тогаш тој засекогаш ќе биде исфрлен од фудбалот.
Кабокло стана претседател на Бразилската фудбалска федерација во април 2019 година, а во преписката која се одвивала на 16 март, јасно се гледа дека имало сексуално вознемирување кон вработена девојка во самата Федерација.

Кабокло девојката ја повикал во својата канцеларија и ѝ предложил заедно да испијат по една чашка вино. Откако девојката го одбила, тој започнал да и се додворува. Но, девојката успеала на еден од колегите да му испрати СМС порака, по што тој влегол во канцеларијата на претседателот на ЦБФ и измислил причина за заедно со девојката да ја напуштат канцеларијата.
Истиот ден, откако завршило работното време и сите си заминал, Кабокло во алкохолизирана состојба и телефонира на девојката, која одлучила да го сними разговорот кој сега го објави Глобо.
– Дали си во врска со некого? – ја прашал претседателот вработената девојка која веднаш по разговорот се обратила до етичката комисија на Федерацијата.
– Не, жена може да биде добро и доколку е слободна – таа му одговорила.
– Шефе, јас со вас не сакам да разговарам за вашиот сексуален живот. Тоа не ме интересира.
– Знаеш, јас секој ден мастурбирам на тебе. Дали можеш да одолееш… Дали мастурбираш и ти? – бил агресивен првиот човек на бралскиот фудбал.
– Шефе, довидување – му одговорила девојката.

Според Глобо, Кабокло и наредните денови и телефонирал на девојката, и притоа ја навредувал. Таа во април годинава одлучила да му се спротивстави на 9. април земала неплатен одмор поради здравствени проблеми и оттогаш ја започнува правната борба со Кабокло. Ја испртила аудио снимката на неколку адреси, а етичката комисија на ЦБФ изминатиот викенд донее одлука за смена на претседателот Кабокло, односно едномесечна суспензија додека целосно не го истражи случајот.