Во реванш натпреварот од осминафиналето во Лигата на шампионите, вечерва екипата на Ливерпул доживеа елиминација после двете продолженија на „Енфилд“.

Како потсетување, во првиот меч Атлетико Мадрид пред своите верни навивачи обезбедија минимална позитива од 1:0.

Ливерпул успеа во регуларните 90 минути да постигне гол и ги одржи надежите за учество во наредната фаза.

⏱ 121' [ 2-3 ] ? ¡? ???????!?

? Trabajo encomiable de todo el E͟Q͟U͟I͟P͟O͟  que consigue el pase a la siguiente ronda de la @LigadeCampeones en Anfield.✊

⚽ #LFCAtleti
⭐ #UCL | ?⚪ #AúpaAtleti pic.twitter.com/2A50YGKu0F

— Atlético de Madrid (@Atleti) March 11, 2020

Непосредно пред крајот на првото полувреме, Окслејд-Чемберлејн прецизно центрираше до главата на Вајналдум кој успеа да ја затресе мрежата на „јорганџиите“.

Во првото продолжение, поточно во 94. минута голема радост на домашните трибини, бидејќи Фирмино стрелаше за 2:0 и во тие моменти Редси имаа резултат кој што ги водеше во четвртфиналето.

Но, Шпанците не се предадоа, а освен тоа дури направија и целосен пресврт на вечерашната средба за триумф.

Љоренте во 97. минута намали со еден прецизен удар од работ на шеснасетникот, а истиот играч (105+1`) постигна уште еден прекрасен гол за израмнување после асистенцијата на Мората.

„Црвените“ во овој момент беа свесни дека мораат да постигнат уште два гола, но безуспешно, а сите нивни надежи во финишот од второто продолжение (120+1`) ги урна Мората за конечни 2:3.

Да додадеме уште дека во нов учесник на четвртфиналната фаза се проморираше францускиот првак ПСЖ кој беше подобар од Борусија Дортмунд (2:0).