ПАДНА ГОЛЕМА БРИТАНСКА КРИМИНАЛНА ГРУПА: Шверцувале над 50 тони хероин, кокаин и марихуана

Фото: Миа

Тринаесет мажи, на возраст меѓу 24 и 59 години, се осомничени за припадност на британски огранок на меѓународната криминална група. Тие од Холандија прошверцувале над 50 тони хероин, кокаин и марихуана, вредни повеќе милијарди фунти. НЦА прецизира дека за таа цел тие користеле фиктивни холандски и британски компании.

Обемот на криумчарење бил утврден откако во септември 2018 година биле пресретнати три карго од 351 килограм кокаин, 92 кг хероин, 250 кг марихуана и 1.850 кг хашиш, со вкупна вредност од 38 милиони фунти (42,3 милиони евра) во препродажба.

НЦА оценува дека дрогата во повеќе наврати била внесувана во Велика Британија во периодот меѓу февруари 2017 и октомври 2018 година, скриена меѓу зеленчук и сокови на товарни бродови до британските пристаништа.

Во рамки на истрага, во април во Холандија беа уапсени четворица мажи и две жени, кои ќе бидат екстрадирани на Велика Британија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот