Пад на профитот на најголемиот светски производител на дијаманти

Фото: Миа

Нето профитот на руската компанија „Алроса“, најголемиот светски производител на дијаманти, во првите шест месеци од годината забележа пад за 36 отсто и изнесува 37,5 милијарди рубљи (560,56 милиони долари).

Нето профитот на компанија за вториот квартал на 2019 година е намален за 44 проценти во однос на претходниот квартал и за 47 отсто во споредба со истиот период од минатата година и изнесува 13,4 милијарди рубљи (200,2 милиони долари).

Исто така приходите на „Алроса“ во второто тримесечје од годината изнесуваат 57,4 милијарди рубљи (858,47 милиони долари) што е за 19 отсто помалку од првиот квартал и 21 проценти помалку во споредба со истиот период од минатата година.

Од друга страна, проекцијата на производство е зголемено на 38,5 милиони карати во однос на претходната прогноза за околу 38 милиони карати.

„Алроса“ ги намали своите процени за вложување за 2019 година од 28 милијарди рубљи (418,6 милиони долари) на 23,4 милијарди рубљи (349,84 милиони долари).

Компанијата „Алроса“ е најголемиот производител на дијаманти (во карати) во светот, а акционери се Руската Федерација, застапена од Федералната агенција за управување со имот (33,02 отсто), Јакутија (25 проценти) и нејзините региони (осум проценти). Додека околу 34 проценти од акциите се во слободен промет.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот