Изминатите неколку денови опаѓа бројот на новозаразени од Ковид-19 во Албанија. Во последното деноноќие во земјата регистрани се девет новозаразени,со што вкупната бројка сега изнесува 409 лица.

Ровена Даја од Институтот за јавно здравје информираше дека во моментов во Инфективната клиника и болницата „Шефќет Ндроќи” се наоѓаат 58 пациенти, од кои10 се на интензивна терапија а четворица се интубирани.

Даја апелираше до граѓаните и понатаму строго да ги почитуваат мерките и препораките,посебно одржувањесоцијална дистанца, избегнување групни собирања и како и домашни посети.

Како што вчера изјави премиерот Еди Рама намалувањето на бројот на заразени последните денови доаѓа благодарение на засилените мерки и отпорот на граѓаните. Ова е индикација дека се прави вистинската работа и ако продолжи вака, според Рама, Алабанија ќе излезе победник многу побрзо од другите земји.