Пад на бројот на патници превезени со автобус
Според податоците на Државниот завод за статистика, во второто тримесечје од 2019 година, во однос на истиот период од 2018 година, вкупниот број на превезени патници во патниот патнички превоз е намален за 3.7 %. Според видот на превозот, бројот на превезени патници во градскиот превоз е зголемен за 0.5 %, додека во приградскиот превоз е намален за 4.9 %, во меѓуградскиот превоз за 20.9 %, а во меѓународниот превоз намалувањето изнесува 13.7 %.
Во однос на првото тримесечје од 2019 година, вкупниот број на превезени патници е зголемен за 2.1 %. Според видот на превозот, бројот на превезени патници во градскиот превоз е зголемен за 1.0 %, во приградскиот превоз за 1.8 %, во меѓуградскиот превоз за 10.3 %, а во меѓународниот превоз зголемувањето изнесува 26.2 %.
Во второто тримесечје од 2019 година, во однос на истиот период од 2018 година, вкупниот број на патничките километри во патниот патнички превоз е намален за 8.3 %. Според видот на превозот, бројот на патничките километри во градскиот превоз е намален за 16.4 %, во меѓуградскиот за 31.1 %, додека во приградскиот превоз е зголемен за 18.6 %, а во меѓународниот превоз зголемувањето изнесува 3.2 %.
Во однос на првото тримесечје од 2019 година, вкупниот број на патничките километри е зголемен за 5.3 %. Според видот на превозот, бројот на патничките километри во градскиот превоз е зголемен за 1.4 %, во приградскиот превоз за 2.6 %, во меѓународниот превоз за 17.6 %, додека во меѓуградскиот е намален за 0.2 %.