Пациентите во штипската модуларна болница кислородот ќе го добиваат од резервоар
Во штипскиот ковид – центар од денеска се става во функција нов резервоар, кој има капацитет за 20 тони течен кислород, за пациентите кои се сместени во модуларната болница.
Директорот на Клиничка болница-Штип, Ален Ѓеорѓијев вели дека поради големата потрошувачка на кислородот од станицата која е со боци, а во интерес на здравјето на пациентите направиле итна набавка на резервоар и течен кислород.
-Деновиве ќе го распишеме и тендерот за редовната набавка на течен кислород, во која се предвидува набавка на 120 тони течен кислород, вели Ѓеорѓијев.
По три дена затишје, денеска штипскиот ковид – центар повторно е полн со пациенти. Модуларната болница е исполнета, а на Инфективното одделение има само три слободни кревети. Во овој ковид – центар се лекуваат 97 пациенти, од кои 41 се на постојана кислородна поддршка. Тројца пациенти од Делчево, Радовиш и Штип починаа во болнички услови.
Директорот на Затвор-Штип, Мики Тодоров за МИА вели дека коронавирусот засега не се шири меѓу осудените лица. Затворскиот лекар завршил со прегледот, шестмината заразени се добра здравствена состојба, а 13 кои се во изолација поради контакт со нив немаат пројавено симптоми