Министерството за здравство информира дека достапен е лекот Pirfenidon за пациентите со идиопатска белодробна фиброза (ИБФ), која спаѓа во групата на ретки болести.

„Досега, во нашата земја немаше терапија за овие пациенти. ИБФ е болест на белите дробови, со брза прогресија и е изразито тешка болест која води до прогресивен пад на функцијата на белите дробови карактеризирана со тешко дишење, чести хоспитализации и лоша прогноза. Лекот Pirfenidonot е прв избор за третман на ИБФ, ја стопира прогресијата на болеста, го намалува бројот на егзацербации и го подобрува квалитетот на живот“, се вели во соопштението од ресорното министерство.

Преку Програмата за ретки болести се обезбедени дополнителни 7 милиони денари. Ова е петти нов лек за пациентите со ретки болести набавен во последните две години.