„Оживејте“ ги домашните билки со помош на овој трик

Една жена го откри овој одличен трик со чија помош можете да ги „оживеете“ домашните билки кои малку се исушиле и започнале да венеат.

Понекогаш не е доволно само да ги полевате билките, но една едноставна состојка може да ви помогне побрзо да ги „подигнете“.

Мешавината на вода и горка сол (епсом сол) со која ќе го „истуширате“ цвеќето ќе го направи посреќно, напиша една Австралијанка покрај фотографијата од своето цвеќе кое го оживеала со овој трик.

Горката сол или епсом сол која може да ја купите во аптека е богата со магнезиум сулфат, кој го поттикнува производството на хлорофил, додека топлата вода ги убива штетниците во земјата.

Кога билките ќе дехидрираат, листовите започнуваат да овенуваат, да се сушат и да опаѓаат. Водата е инаку дел од структурата на билките и помага тие да бидат исправени и здрави. Полевањето секако ќе им помогне на билките, но горката сол
ќе ја збогати билката со магнезиум сулфат.

Магнезиумот сулфат му помага на семето подобро да изрти, на билката да биде погуста, да има повеќе цветови, го поттикнува производството на хлорофил и ги уништува штетниците.

Препораката е инаку на 3,7 литри вода да ставите две лажици горка сол и со оваа мешавина да ги прскате билките по листовите еднаш месечно.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот