Никотинамидот, познат како витамин Б3, го поттикнува одбранбениот механизам на организмот да прави антитела кои се способни да ги уништуваат бактериите отпорни на антибиотици, односно супербактериите.

Мутацијата на одредени гени води до зајакнување на чувствителноста на бактериските инфекции, а најголем проблем претставува и мутацијата на бактериите, па сè почесто стануваат отпорни на сите познати антибиотици, дури и тие посено направени за нивно уништување. Истражувањата покажале дека некои опасни инфекции настануваат како последица на недостаток на одредени протеини во неутрофилите, но високите дози на витаминот Б3 го зголемуваат лачењето на овој протеин во клетките на имунолошкиот систем.

Истражувањето првично било направено на глувци, но и на човечките клетки дало идентични резултати. Но, дозите на витаминот Б3 кои биле користени, таканаречени терапевтски дози, не можат да се внесат со нормална исхрана. Сепак, добра вест е што не постои опасност од предозирање, бидејќи употребената количина на витаминот Б3 веќе се користи во некои други терапии.