Концентрираниот облик на сок од вишни може да помогне во ублажување на симптомите на цревни заболувања, покажува нова студија. Научниците откриле дека само две чаши дневно од сокот од вишни од сортата Монтморенси можат значително да ги намалат стомачните грчеви и дијареата кај луѓето кои страдаат од улцерозен колитис. Научниците од два универзитета, Хертфордшир и Централен Ланкашир, им давале на пациентите концентриран сок од вишни во текот на шест недели, заедно со стандардната терапија за воспалителни заболувања на цревата, пишува „Живим“.

Пациентите кои учествувале во студијата имале 9 отсто подобрување на квалитетот на живот поврзан со нивната здравствена состојба додека го консумирале овој додаток. Исто така, било забележано 40 отсто намалување на улцерациите во цревата кај заболените. Експертите велат дека ова пијалак може да биде од голема корист за пациентите со оваа болест, но предупредуваат дека може да биде исклучително скапо. Имено, едно шише сок од вишни Монтморенси, кое содржи доза за два дена, чини околу 14 фунти (кај нас е пронајдено по цена од 32 евра).

Во Европа, преваленцијата на улцерозниот колитис се движи од 2,4 до 294 заболени на 100.000 лица, а се проценува дека во Хрватска од воспалителни заболувања на цревата страдаат околу 5.000 лица. Се смета дека оваа хронична болест се развива кога имунолошкиот систем почнува да ги напаѓа цревата. Постојат многу ефикасни лекови кои можат да ги држат симптомите под контрола, но болеста не може да се излечи.

„Иако сокот од вишни не може да ги замени лековите, нашето откритие дава надеж дека тој може да се користи заедно со фармаколошката терапија за да се подобри квалитетот на живот на заболените, да се намалат симптомите, а можеби дури и да се одложи потребата за идна интензивна медицинска нега или хируршки зафат“, изјави за „Дејли мејл“ соавторката на споменатата студија, професорката Линдзи Боттомс.