Овци и кози на улиците на Мадрид, наместо автомобили – Слободен печат
ВестиПланета

Овци и кози на улиците на Мадрид, наместо автомобили

Стадата кои вчера продефилираа низ Мадрид броеа околу 2000 мерино овци и стотина кози.

Стада на овци и кози ги заменија автомобилите низ улиците на Мадрид, а овчарите и козарите ги водеа своите стада низ главните сообраќајници на шпанската престолнина, одбележувајки ја традицијата на древните миграциски патишта за транзит на стоката. Ова е поради традиционалната парада Trashumancia, која е голема туристичка атракција во Мадрид.

Средновековна традиција

Традицијата започнува пред околу 5 векови, кога фармерите и овчарите од северна Шпанија со својот добиток поминувале низ Мадрид за да се „телепортираат“ кон потоплите, јужни краишта. Договор од 1418 година им дозволува на овците и козите да поминуваат низ градот доколку платат мала „такса“. Фармерите и овчарите застануваат пред т.н. градско собрание за да платат 50 маравиди – бакарни монети кои првпат биле исковани во 11 век, како би можеле да продолжат со рутата. Настанот е возобновен во 1994 година од кога секоја година традиционално се одржува и стана вистинска туристичка атракција, а целта на рутата останува иста, односно им се овоможува на овчарите и фармерите од северните делови на Шпанија да преку традиционалната рута го префлат добитокот кон јужните пасишта, при што ќе го избегнат недостигот на храна за време на зимскиот период.

Традиција која алармира за големото урбано ширење

Пред неколку векови рутата поминувала низ неколку неразвиени села, но денеска таа поминува низ центарот на Мадрид и поминува по неколку најпознати улици на шпанската престолнина. Оваа парада воедно алармира на големото урбано ширење кое претставува заканата за античкото пасење и миграционите права. Огромни површини кои сега се предградија на Мадрид, не така одамна биле неразвиени полиња со богати шумски пасишта кои доколку сега не би биле урбанизирани, би овозможиле многу полесна миграција на стадата овци и кози.

Стадата кои вчера продефилираа низ Мадрид броеа околу 2000 мерино овци и стотина кози.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Исто прочитајте

Close
Close