Знаеме дека не е потребно да нагласуваме дека ова парче облека е севременска класика. Токму затоа, многумина од нас не можат без неодоливи фармерки кои можеме да ги комбинираме скоро со секоја друга облека. Дневни или вечерни прилики-сосема сеедно. Со правилна комбинација, тие можат да направат чудо, како во удобноста така и во естетиката.

Друштвената мрежа Инстаграм ни дава многу идеи и ни е вечна инспирација за облекување. Секоја нова сезона ја краси по некој нов тренд, а обично ги изнесуваат трендсетерките кои ретко кога грешат. Она што и оваа пролет ќе биде посебно актуелно кога станува збор за фармерките е високата половина.

Во продолжение ви претставуваме неколку трендови кои нестрпливо ги чекаме:

1.Класични скини џинс

Овој модел е во тренд веќе неколку години наназад, а веројатно и оваа година нема да отстапи. Причината за тоа е веројатно едноставното комбинирање на овие фармерки, посебно со широки полувери, убаво скроени сакоа, но и со лелеави блузи. Оваа пролет е актуелна високата половина, па побрзајте по својот тренди модел.

2.Фармерки со палацо крој

Висока половина и ногавици А-крој кои се шират од колковите, се еден од најголемите модни хитови во топлата сезона која доаѓа. Овој модел дава впечаток на елеганција, а можете да ги искомбинирате со кроп-топови и сандали со високи потпетици.

3.Фармерки со врзување на половината

И тие се причина за најавата на високата половина како нешто што „мораш да го имаш”. Врзувањето на половината, но и околу ногавиците се тренд детали кои ќе ја најават оваа пролет и девојките ширум светот нема да можат да им одолеат. Многу брендови веќе располагаат со нив, но имаат неколку различни карактеристики: мек џинс, опуштен крој, висока половина и ленти кои ќе се врзуваат во машни околу половината и околу зглобовите.