Белгија има највисока стапка на смртност во светот од коронавирусот. Според анализата на американскиот универзитет Џон Хопкинс, таа изнесува 13,4 отсто, а една од причините за тоа е драматичната ситуација во старските домови.

Ендру Престон од Универзитетот во Бату вели дека стапката на смртност генерално е поголема во популациите со поголем број на стари лица и оние со хронични болести.

За големата смртност допринело и тоа што вирусот допрел до голем број домови за стари лица, чии штитеници и вработени се 45 отсто од вкупниот број на смртни случаи.

Д-р Петер Дробац од Оксфордскиот универзитет укажува дека сличен тренд е забележан и во Франција и Велика Британија.

Како што пишува Њузвук, стапката на смртност претставува број на смртни случаи во однос на бројот на потврдени случаи.

Белгија според тој параметар ја престигнала Италија, во која стапката на смртност е 13 отсто и Велика Британија каде е 12,8 отсто.