„Ова не може да пројде неказнето“: Лидерите на ЕУ утре ќе расправаат за пресретнувањето на авионот на Рајанер
Европскиот совет на утрешната седница ќе расправа за пресретнувањето на авионот на Рајанер над Белорусија и апсењето на белорускиот блогер и дисидент Роман Проташевич, како и за можните санкции против белорускиот режим заради овој потег без преседан.
Гитанас Науседа, претседателот на Литванија, предложи денеска како противмерка блокада на белоруските авиони во воздушниот простор, како и санкции против режимот на белорускиот претседател Александар Лукашенко.
🇪🇺 leaders will discuss a state-sponsored terror act in #Minsk tomorrow at #EUCO. My suggestions: airspace over 🇧🇾 shall be recognized unsafe, 🇧🇾 aircrafts shall not be accepted in 🇪🇺 airports, immediate investigation by @icao & serious sanctions against the regime.
— Gitanas Nausėda (@GitanasNauseda) May 23, 2021
Матеуш Моравјецки, полскиот премиер, побара од Шарл Мишел, претседателот на Европскиот совет да го прошири утрешниот состанок на лидерите на ЕУ и да се расправа за итни санкции против режимот на Лукашенко.
– Ова не може да пројде неказнето, напиша Моравјецки на Твитер.
I have asked @eucopresident to expand tomorrow's #EUCO agenda and discuss immediate sanctions against A. Lukashenka regime. Hijacking of a civilian plane is an unprecedented act of state terrorism. It cannot go unpunished.
— Mateusz Morawiecki (@MorawieckiM) May 23, 2021