Рома сезонава игра по принципот „топло-ладно“, а главна причина се честите повреди на играчите поради кои Фонсека не може да го состави најдобриот тим.
Последен кој се повреди е Верето и ќе отсуствува еден месец.
– Многу тренери се согласуваат дека има премногу натпревари во една сезона. Погледнете што се случува со екипи какви што се Реал Мадрид и Ливерпул – изјави Пауло Фонсека.
Тој смета дека не е нормално играчите да имаат толку многу натпревари во една сезона и бара измени во календарот за наредната сезона.
– Не е хумано фудбалерите да имаат толку многу натпревари во една сезона. За почеток, треба да се намали брјот на меѓународни натпревари. Ова е навистина премногу – смета Фонсека.

Пред мартовските квалификации за пласман на СП 2022 година во Катар, репрезентациите се најдоа во големи проблеми бидејќи екипите не сакаат да ги пуштаат своите фудбалери да играат за националните селекции. Поради пандемијата на коронавирусот, ФИФА дозволи клубовите доколку сакаат да не дозволат фудбалерите да играат за репрезентациите.
Поради тоа, Јужноамериканската фудбалска асоцијација (КОНМЕБОЛ) ги откажа мартовските квалификации за СП 2022 и тоа откако неколку менаџери од Премиер лигата им сугерираа на фудбалерите дека нема да им биде дозволено да ги напуштат екипите.