Новак Ѓоковиќ многу пати во кариерата ги победувал Рафаел Надал и Рожер Федерер, но дали знаете колку пати во кариерата на ист турнир успеал да ги совлада двајцата? Одговорот е пет!

Најдобриот тенисер на светот против најголемите ривали Рафаел Надал и Рожер Федерер одиграл вкупно 105 мечеви во кариерата.

Од 2007 година досега најдобриот тенисер на планетата, кој неодамна триумфираше на турнирот во Дубаи, најголемите ривали ги победувал на мастерсот во Канада, Надал, во полуфиналето (7:5, 6:3), а Федерер во финалето (7:6, 2:6, 7:6), а потоа играше во завршницата против истите ривали на мастерсот во Индијан Велс во 2011 година и ги доби во три сета.

Тогаш против Швајцарецот славеше во полуфиналето – 6:3, 3:6, 6:2, а против Шпанецот во финалето (4:6, 6:3, 6:2).

Истата година идентичен биланс оствари и на УС Опен – Федерер повторно пат во полуфиналето после голема борба – (6:7, 4:6, 6:3, 6:2, 7:5), а Надал во борбата за пехарот во четири сета – 6:2, 6:4, 6:7, 6:1.

Последните два скалпа на најголемите ривали ги имаше на завршните турнири во сезоните 2013 и 2015 година во Лондон.

Пред седум години во „02 Арената“, го надигра Федерер во група со резултат 6:4, 6:7, 6:2, а Рафа во финалето (6:3, 6:4), а две години подоцна се најдоа повторно на патот во последниет фази на турнирите на Топ 8 најдобри. Тогаш, беше подобар од Надал во полуфиналето (6:3, 6:3), а од Федерер во финалето (6:3, 6:4).