„Ова лудило мора да престане“: Д-р Никола Пановски тврди дека пациентите со ковид-19 се трујат со лекови повеќе од потребното
Микробилогот проф. д-р. Никола Пановски реагира дека на пациентите со ковид-19 во Македонија им се препишуваат повеќе лекови отколку што треба, истакнувајќи дека „ниту здрав атлета не би ја издржал таквата терапија“.
Без да го открие името на пациентот, Пановски на неговиот фејсбук-профил ја сподели терапијата што му е препишана од страна на лекарите, истакнувајќи дека лицето доаѓа од предел на Македонија каде смртноста од ковид-19 е трипати повисока од просекот во државата, а тврди и дека во тој предел тоа е стандардна терапија.
Пановски вели дека „ова лудило мора да престане“ и бара од министерстовто за здравство да го преведе протоколот за лекување на пациенти со ковид-19, приложувајќи го хрватскиот протокол како добар пример.
„По непроспиена ноќ и консултација со пет колеги, кои ги почитувам, а се активни во борбата против Ковид 19, и нивниот одговор 4:1, дека треба да објавам приказ на случај на пациент, не го знам, воден од интернист и него не го знам (резултатите се со избришани имиња и ЕМБГ, ги имаат петте колеги и Министерот Филипче, не би ги објавувал оригинално, сепак):
Порака до МЗ, ЛКМ, МЛД, Ве молам под итно преведете протоколи за Ковид 19 и објавете ги!!! Хрватските се ок. Ова лудило мора да престане. Едуцираните и совеени матични лекари и оние од секундарното ниво на здр.заштита се под невиден притисок од пациентите да се приклучат кон ова лудило и епидемија од полипрагмазија. Штетата е огромна во секој поглед, па и во смисла на смртноста. Волку лекови одеднаш ни здрав атлета не би издржал.“, завршува Пановски.