Ова лето јадете плодови со сина или со црвена боја

Различната боја на овошјето, ја одредува неговата нутритивна вредност. Токму затоа се препорачува да се јаде храна со различна боја.

Според стручњаците, иако во текот на целата година треба да се јаде храна со различна боја, сепак, како што во пролет се препорачува да се јаде храна во која доминира зелената боја, во текот на жешките летни месеци препорачливо е да се внесува сина и црвена храна.

Сина храна

Овошјето со сина боја има карактеристични витамини и минерали кои се типични само за овошјето со таа боја. Капините, боровинките, црното грозје и сливите, покрај тоа што изгледаат убаво, тие се и моќни сојузници на здравјето. Синото овошје содржи многу корисни растителни соединенија наречени полифеноли, кои се одговорни за бојата на овошјето, но и за многу здравствени придобивки.

Сините плодови се полни со полифенолни соединенија наречени антоцијанини. Токму резултатите направени околу влијанието на антоцијанините врз телото, покажале дека овие антиоксидантни пигменти можат да го намалат ризикот од срцеви заболувања, мозочен удар, дијабетес тип 2, па дури и некои видови рак.

1. Боровинки

Боровинките се богати со растителни влакна и содржат малку калории поради што се препорачуваат да ги јадат сите што се на диета. Тие содржат високо ниво на хранливи материи, како манган, витамин Ц и витамин К. Исто така, изобилуваат и со антоцијанини, кои помагаат да се заштити телото од оксидативен стрес и го подобруваат целокупното здравје. Редовното консумирање на боровинките богати со антиоксиданти, може многу да ви помогне во намалувањето на можноста од појава и развој на одредени хронични заболувања.

Прочитајте и...  Легендарната Софија Лорен наполни 86 години: Феноменална и во деветтата деценија од животот (ФОТО)

2. Слива

Откако ќе се исушат, сливите можат да бидат од голема корист за вашиот дигестивен систем. Сливите се полни со диетални влакна, кои можат да помогнат во олеснување на редовното празнење на цревата. Доколку изедете само 100 грама суви сливи на ден, ќе си ја обезбедите потребната количина растителни влакна за период од 24 часа.

4. Црно грозје

Изобилството на антиоксиданти во црното грозје може да помогне да ја зајакнете имунолошката функција на телото и здравјето на мозокот, како и да ги подобрите расположението и меморијата. За време на сезоната на ова овошје, можете да го јадете свежо или да го пиете како сок за да ги почувствувате сите негови здравствени придобивки.

5. Црна рибизла

Темносините бобинки кои се карактеризираат со горчливо-сладок-киселкаст вкус се полни со витамин Ц. Консумирањето само 100 грама црна рибизла во период од 24 часа, може да ви помогне во обезбедувањето на повеќе од двојно потребната дневна препорачана вредност на витамин Ц. Ова ја прави црната рибизла одлична во зајакнувањето на имунолошкиот систем. Меѓу другото, витаминот Ц може да ја заштити вашата кожа од оксидативен стрес и да придонесе за раст на здрава, младешка кожа. Покрај тоа, витаминот Ц може да помогне во одржувањето на здравјето на коските и забите.

Прочитајте и...  Во октомври ќе се случи редок феномен: Ова се нема случено уште од Втората светска војна!

6. Капина

Во само 100 грама капини има околу осум грама влакна. Слично на боровинките, капините се богат извор на манган и на витамините Ц и К. Сите овие хранливи материи се неопходни за оптимален раст и развој на коските, а исто така имаат и функција во подобрувањето на згрутчувањето на крвта.

7. Аронија

Како еден од најпопуларните природни лекови против настинки и грип, аронијата е бобинка што служи за зајакнување на имунитетот. Поради многу остриот вкус, најдобро е да ја консумирате аронијата во форма на сирупи, џемови, чаеви или матичен млеч. Покрај тоа што содржи природно изобилство на антоцијанини, таа е особено богата со витамини Б6 и Ц.

Црвени плодови

Карактеристично за црвените плодови е што содржат ликопен, кој ја заштитува кожата и помага во одржување здрави епителни клетки.

Очигледниот избор на црвена храна е домати, црвени пиперки, јагоди, цреши, ’рдокви, црвен кромид, некои видови сливи, црвено јаболко, калинки, розов грејпфрут, лубеница, брусница, рибизли…

Прочитајте и...  Провокативниот албум на Мадона кој постави историски рекорди! (ФОТО)

Црвената храна ја штити кожата до штетните влијанија на УВ-зраците. Бојата доаѓа од каротеноидот познат како ликопен, кој е антиоксидант што ги штити белите дробови, дебелото црево, хранопроводот, брадавиците и кожата. Кај мажите што редовно имаат црвени плодови во исхраната се забележани 30-40% намалени изгледи за рак на простата.

Според италијанските студии за нутриционизам, секој треба да изеде најмалку седум порции домати неделно за да го сведе на минимум ризикот од рак на некој од гастроинтестиналните органи. Со редовно јадење црвени плодови, кожата е помалку чувствителна на сончевите зраци. За да го почувствувате максималниот ефект од доматите, комбинирајте ги во салати зачинети со маслиново масло.

Како да вклучите повеќе црвени плодови во исхраната:

– Додавајте гоџи, брусница и јагоди во смути.

– Пијте најмалку една чаша сок од брусница во денот.

– Збогатете ја салатата со парчиња црвена пиперка, ’рдоква и црвен кромид.

– Направете салса од домати и црвени пиперки.

– Двапати неделно јадете супа од домати.

– Со скарата направете прилог од потпечени домати, пиперки и кромид, зачинет со маслиново масло.

– Јадете црвени јаболка.

– Користете сушено шумско овошје.

Прочитај повеќе

Провокативниот албум на Мадона кој постави историски рекорди! (ФОТО)

Слободен Печат

Да се фатат последните летни денови: Викторија Лоба во секси-бикини ужива на плажа! (ФОТО)

Васко Спасоски

Која е Зендаја? Актерката која влезе во историјата како најмлада добитничка на Еми награда!

Слободен Печат

Лице на Балканот: Три Македонки се враќаат со три титули од Србија! (ФОТО)

Васко Спасоски

Родителски трик на Кејт Мидлтон што ќе ве воодушеви: Зошто постојано го допира принцот Џорџ по главата?

Слободен Печат

Паника во светскиот џет-сет: Ќе се откријат имињата на сите што летале со авионот на Епстин (ФОТО)

Слободен печат

Остави Коментар

Прочитај повеќе

Нов бизарен тренд на „Тик-Ток: Со турпија за нокти си ги рамнат забите, стоматолозите реагираат! (ВИДЕО)

Слободен печат

Несудените водителки на „Еми“: Двете се позитивни на коронавирус

Слободен Печат

Мода во време на корона: Виртуелниот свет на „Еми“ наградите (ФОТО)

Слободен печат

Џесика Симпсон изгледа подобро отколку на почетокот на кариерата: До неодамна се бореше со вишокот килограми

Слободен Печат

По Даниел Крејг, Том Харди ќе го облече оделото на популарниот агент 007

Слободен печат

Цеце и Љупка, ем убавици ем успешни јавачки на коњ: Во денешниот свет мора да си најдобар во тоа што го правиш

Јасмина Кантарџиева Димков