ОВА ЌЕ БИДЕ НАЈГОЛЕМИОТ АЕРОДРОМ НА СВЕТОТ: Следната недела први пробни летови (ФОТО)
Следната недела ќе бидат извршени првите пробни летови на новиот меѓународен аеродром во Пекинг.
Ако се остварат прогнозите, „Beijing Daxing International Airport“ ќе биде најголемиот аеродром на светот!
Како што пренесуваат тамошните медиуми, четири писти од овој аеродром минатата недела поминале инспекциски контроли.
Две кинески авиокомпании ќе го користат овој аеродром како своја база, по неговото отворање.
Терминалот кој го дизајнирала Заха Хадид ќе зазема дури 700.000 метри квадратни и ќе биде поделен на дел за домашни и дел за меѓународни летови.
Површински, ова ќе биде најголемиот аеродром на светот. Се очекува официјално да се отвори на 30 септември.
Веќе во 2021 година, овој аеродром би требало да биде воздушно пристаниште кое ќе го користат 45 милиони патници, а до 2025 година, дури 72 милиони.