Ова е замокот чии ѕидови ја кријат една од најтрагичните љубовни приказни опеани од Данте Алигиери
Токму кога ќе помислите дека ги знаете сите познати места во Италија, ве очекува ново изненадување. Ве носиме во замокот чии ѕидови ја кријат една од најубавите и најтрагичните љубовни приказни што воедно ја опеа и самиот Данте Алигиери.
Градара е име на средовековен замок сместен во истоимената италијанска населба во близина на Сан Марино, во централниот дел на Италија.
View this post on Instagram
Еден од најдобро зачуваните италијански замоци од периодот помеѓу 11 и 15 век се наоѓа на рид издигнат на висина од 140 метри, што значи дека од балконот на замокот ве чека прекрасен панорамски поглед. Заштитен со масивни ѕидови, од кои најдолгиот ѕид е долг дури 800 метри.
View this post on Instagram
Кога ќе влезете во неговите лавиринти, премини и дворови, се чувствувате како да сте влегле во посебен град…
Овој замок е изграден од моќното семејство Де Грифо во 12 век, но со текот на времето го надградувале и други сопственици. Се разбира, оваа убавина не можела да биде заобиколена од територијалните претензии, па неговата средовековна историја била обележана со многу неславни борби на италијанските благородни семејства.
View this post on Instagram
Трагична легенда
Историјата на овој замок, според преданијата, ја напишале Паоло и Франческа. Според легендата, приказната за вљубениот пар завршила со трагичен крај. Франческа имала сопруг кој, откривајќи ја нивната афера, го убил Паоло, а целиот настан го овековечил и самиот Данте Алигиери во неговата Боженствена комедија. Затоа замокот денес го носи прекарот „Замок на љубовта“.
View this post on Instagram
Посетителите се воодушевени од волшебното средовековно село во подножјето на замокот. Не е ни чудо што овој замок е една од најпосетуваните дестинации во тој регион. Често е домаќин на концерти и ликовни изложби, а има и историски музеј – навистина вреди да се посети еден ден кога ќе можеме да патуваме слободно.
