„Ова е масовно убиство“: Пет лица загинаа во пукотница во Индианаполис, меѓу нив 19-годишна бремена жена
Пет лица загинаа, меѓу кои и 19-годишна бремена жена во пукотница во северниот дел на Индианаполис. При нападот е повредени едно малолетно лице, кое е во критична состојба.
Иако истрагата е во почетна фаза, американската полиција претпоставува дека нападот бил планиран, а бил изведен од повеќе напаѓачи.
– Ова што утрово се случи не е обично насилство… Ова е масовно убиство, изјави градоначалникот на Индијанаполис, Џо Хогсет.
Шефот на полицијата на Индианаполис Рендал Тејлор истакна дека ова е пукотница со најмногу жртви во повеќе од една деценија. Мотив за убиствата се уште не е познат.