Отворени вратите на салата „Боро Чурлевски“ за навивачите на Е. Пелистер

Е. Пелистер и сезонава ќе игра во групите на ракометната Лига Европа/Фото: seha-liga.com

Ракометниот клуб Е. Пелистер ги отвора вратите на спортската сала „Боро Чурлевски“ – Битола за своите навивачи и симпатизери на почетокот на сезоната 2021/22.

Од денеска, 8 септември 2021 година, од 12.00 часот започна продажбата на билети на веб страницата – https://kartieurofarm.mk за натпреварот од првото коло на Суперлигата меѓу Е. Пелистер и Е. Пелистер 2, закажан за в четврток во 17.00 часот.

Од 14.30 часот на билетарницата на спортската сала ќе започне заверувањето на веќе купените билети. Според најновите мерки на владата, дозволено е присуство на 30% од капацитетот на спортската сала.

Секој заинтересиран за купување на билет мора да поседува вакцинален сертификат или потврда за прележан ковид-19 во последните 45 дена, од денот на оздравувањето, и лична карта.

Цената на билетот изнесува 100 денари. Се молат навивачите да дојдат порано пред почетокот на натпреварот во спортската сала „Боро Чурлевски“, бидејќи вратите ќе бидат затворени во 16.45 часот.

Видео на денот