Отстранета ознаката за тајност: Украина објави непознати податоци за трагедијата во Чернобил
Како што се наведува, во периодот од 1971 до 1981 година во електраната се забележани 29 инциденти, вклучувајќи и неколку помали оштетувања. Осум инциденти се случиле поради невнимание на персоналот.
Архивата на Службата за безбедност на Украина и Украинскиот институт за национално сеќавање ја тргнаа ознаката за тајност од документите за изградбата на нуклеарната централа Чернобил и несреќата која таму се случи.
Институциите се повикуваат на објавената втора книга од зборникот „Чернобилско досие на КГБ. Од изградбата до несреќата“. Таа вклучува документи кои го опфаќаат периодот до 1970 до ноември 1986 година. Во книгата се претставени 229 документи, а голем дел од нив се објавени првпат, пренесува Спутник.
Како што се наведува во документите, инциденти на нуклеарната електрана во Чернобил се случувале и пред април 1986 година, но за тоа никој не зборувал.
-Документите содржат сведоштва за хаварии во електраната во 1986 година, транскрипти од телефонски разговори во ноќата на 26 април, примерок од првиот извештај за несреќата, информации за почетокот на истрагата и изградбата на „купола“, рече директорот на архивата на СБУ Андреј Когут.
Според зборовите на директорот на институтот Антон Дробовиќ, документите ќе придонесат за „подобро разбирање на трагедијата, зошто вклучуваат извештаи и материјали за „ситни хаварии“, кои и претходно се случувале во нуклеарната централа, но се прикривани“.
Претходно украинската специјална служба објави тајни документи кои сведочат за неквалитетните градежни и инсталациски работи, нарушување на технолошката дисциплина и безбедносните правила во нуклеарната електрана во Чернобил.
Како што се наведува, во периодот од 1971 до 1981 година во електраната се забележани 29 инциденти, вклучувајќи и неколку помали оштетувања. Осум инциденти се случиле поради невнимание на персоналот.
Хаварија во нуклеарната електрана
На 25. април 1986 година во текот на планско тестирање на четвртиот енергетски блок на нуклеарната електрана се случила експлозија. Нуклеарното јадро на реакторот целосно е уништено, зградата на погонската единица делумно се урнала и дошло до значајно емитување на радиоактивни честички во околината.
Во моментот на несреќата загинале две лица, околу 600 луѓе од станицата и пожарникари добиле висока доза на зрачење (28 од нив починале таа година). Повеќе од 200.000 квадратни метри од СССР биле изложени на радиоактивна контаминација. Според проценките на експертите, тоа била најголема несреќа во историјата на нуклеарната енергија. Во отстранувањето на последиците учествувале повеќе од 600.000 луѓе.
Градот Припјат се наоѓа на три километри од нуклеарната електрана „Чернобил“. Пред несреќата во него живееле 47.000 луѓе, а сега тоа е град на духови поради високото ниво на радијација.