Отстранет од олимпискиот тим на Австралија поради кокаин

Фото: EPA-EFE/FRANCK ROBICHON

Репрезентативецот на Австралија во коњички спортови, Џејми Кермонд (36) е исфрлен од олимпискиот тим на својата земја, откако неговиот антидопинг тест бил позитивен на кокаин.

Тој беше тестиран на крајот на јуни, а сега резултатот стигна до Австралиската коњичка федерација, која веднаш го казни Кермонд!

– Кокаинот е забранет за учесници на натпреварувањата според прописите на Светската антидопинг агенција и австралиските национални регулативи за антидопинг за 2021 година – пишува во официјалното соопштение.

Австралискиот олимписки комитет не размислуваше многу и Кермонд веднаш беше отстранет од списокот на патници за Токио кои имаа лет истата вечер. Интересно е што неговиот коњ Напа пристигна во Токио неколку дена порано!

– Многу сум вознемирен и жалам за сè, но прифаќам целосна одговорност. Искрено ми е жал затоа што изневерив многу луѓе, пред сè моето семејство и пријателите од тимот – рече Кермонд.

Видео на денот