Каваи Ленард, актуелниот МВП на финалето во НБА лигата не е љубител на социјалните мрежи и тој има профил на Твитер, но речиси и не го користи. Ленард го отвори профилот на Твитер додека беше кошаркар на Сан Антонио спарс и на него следи само еден кошаркар, Џамал Крафорд.

– Никогаш не сум го прашал Каваи зашто само мене ме следи на Твитер, но можам да претпоставам. Пред светот да го примети Каваи, јас веќе го знаев доста добро. Тој беше дебитант во НБА и не играше премногу, но видов во него нешто што ми велеше дека тој ќе биде голем кошаркар и ѕвезда. Го обожував начинот на кој игра и постојано му зборував дека сум воодушевен од неговата игра – откри Крафорд.

Џамал Крафорд во текот на кариерата три пати ја освојуваше наградата за најдобар шести играч во НБА лигата.